Дел од македонските компании и поголемите фармацевски куќи веќе пратиле хуманитарна помош за настраданите од поплавите во Србија и Босна и Херцеговина.
Во ланецот на аптеки Зегин велат дека веќе испратиле хуманитарна помош во вредност од 80 000 евра. Станува збор за помош во шатори, пелени ,лекови, детска храна облека за стари.
-Ние сме во постојан контакт со погодените подрчја и лобираме да ни се приклучат и големите компании, изјави за НОВА Благоја Механџиски сопственик на ланецот аптеки Зегин.
Фармацевтската компанија Алкалоид веќе испратиле помош директно од нивните производствени погони во Белград и Сараево.
Испратени се лекови кои се неопходни во вакви ситуации, антибиотици, аналгетици, средства за лична хигиена, влажни марамчиња, пелени, средства за дезинфекција. Од компанијата велат дека во координација со Црвениот крст подготвуваат пратка и од Македонија.
-Се координираме и од Скопје во соработка со амбасадите, но и директно со министерствата и кантоните во загрозените подрачја, велат во Алкалоид.
Од компанијата не сакаат да потенцираат за колкава вредност станува збор, бидејќи како што велат најважна е хуманоста и брзината со која помошта се доставува.
Во Реплек велат дека се уште немаат испратено хуманитарна помош бидејќи од Бирото за стокови резерви од каде веќе испратиле помош во лекови, им било кажано да чекаат.
-Подготвени сме во договор со Бирото за лекови да испратиме тоа што е потребно, велат во компанијата.
Донации од неколку десетици илјади евра и свои производи веќе испратија Витаминка, Кожувчанка и Пелистерка.
За разлика од нив мобилните оператори не се покажаа многу дарежливи. Во мобилниот оператор ВИП велат дека овозможиле канал за донации на граѓаните и сметаат дека тоа е доволно.
Во службата за односи со јавноста Т-Мобиле не одговорија на прашањето на НОВА, дали ќе донираат за настраданите од поплавите. Од мобилниот оператор Оне не информираа дека се откажуваат од 3 проценти од влезниците за хуманитарниот концерт кој ќе се одржи во четврток во салата Борис Трајковски. Влезниците за овој концерт ќе се продаваат по цена од 150 денари.