Published: Tuesday, February 7, 2023 13:15
Групата од 24 македонски војници засилена со две кучиња за потрага на луѓе под урнатини денеска тргна кон Турција за да се приклучи на помошта што ја дава светот и тамошните институции во справување со последиците од вчерашниот катастрофален земјотрес што ги зафати Турција и Сирија. Нашите војници се упатија за Турција со авионски лет на Туркиш Ерлајнс.
„Одлучни и спремни што поскоро да се вклучат и да помогнат во спасувањето на драгоцени животи во областите погодени од катастрофалниот земјотрес во Турција. Тимот за претрага и спасување составен од 24 армиски припадници и две кучиња заминаа за Турција“, порача министерката за одбрана Славјанка Петровска при нивното заминување.