„Во заклучоците од Европската Унија, на кој што има еден сериозен молк од страна на Владата, се укажува на големата невработеност во Македонија. За неодвојувањето на државата од партијата, и тоа е коректно да им се каже на граѓаните“, рече денеска од собраниската говорница пратеникот на СДСМ Јани Макрадули.
– Денеска го читам господинот Фатмир Бесими, го повикува НАТО да интервенирал за името, го користам неговиот збор, десант ќе направи на Илинденска? Ќе пушти маринци НАТО? А Владата не одговара на прашањата:
– Колку има вработени во јавната администрација? Особено оние што седат дома.
– Колку пари троши за реклами?
– Кој е ставот за договорот со руската федерација Гаспром?
Бугарија го ревидира, има тендер за ревидирање на договорот со Гаспром, за да ги следи европските препораки. Србија е приморана тоа да го направи. Европската комисија има забелешки на нашиот договор што го направивме, бидејќи не се однесува на европските стандарди, истакна Макрадули.