Published: Thursday, December 14, 2017 08:35
Новинарот Александар Манасиев и фоторепортерот Ѓорги Личовски се добитници на наградата„Жан Моне“ за 2017 година, што ја доделува ЕУ во Македонија за најдобра новинарска сторија и за најдобра професионална фотографија.
Манасиев, новинар во емисијата „Топ тема на ваша страна“ на телевизијата Телма
наградата ја доби за серијалот истражувачки стории за состојбите во Академијата за судии и јавни обвинители.
Личовски, фоторепортерот на Сакамдакажам.мк, ја освои наградата за 2017 за најдобра професионална фотографија, за снимката на рибарите на Дојранското Езеро.
За аматерска фотографија награда доби Дајана Лазаревска.
„Жан Моне“ годинава беше на тема „ЕУ за тебе“, а за признанието се доделува и парична награда од 1.000 евра.