Одговарајќи на новинарско прашање за време на промоцијата на проектот „Една точка на услуги“, министерот за информатичко општество и администрација, Дамјан Манчевски рече дека отпуштања од јавната администрација нема да има, а вработувања ќе има согласно потребите и во транспарентен процес.
Манчевски рече дека веќе имало природен одлив од администрацијата, односно намален број на вработени, а точниот број ќе се знаел во март, кога министерството законски е обврзано да даде извештај за вкупниот број на вработени од претходната година.
Како што дополни тој, во администрацијата немадоволен број на високо квалификувани луѓе за да ги преземат раководните места.
Министерот потенцираше дека во администрацијата недостасуваат инженери, архитекти и правници.
Во првите шест месеци од следната година треба да се вработат електроинженери за да се имплменетира централниот електронски регистар на население.