Koнфликтот се продлабочи во Австралија откако таблоид, сопственост на Руперт Мардок, продолжи да го навредува премиерот Кевин Руд, јавува Би-Би-Си.
Овој четврток, Дејли телеграф го прикажа Руд како полковник Клинк, тромав нацистички командант од 1960-те, од комедијата Хероите на Хоган.
Весникот, исто така излезе со наслов: “Истерајте ја оваа банда надвор” ден откако Руд побара избори за 7 септември.
Во средата, Руд го обвини г-дин Мардок за мешање во анкетите, за да ги заштити своите комерцијални интереси.
Руд, кој ја замени Јулија Гилард како лидер на Лабуристичката партија во јуни, се соочува со тешка битка против Тони Абот, лидер на Либерално-Националната коалиција.
News Corporation на Руперт Мардок е доминантен играч на пазарот на печатените медиуми во Австралија и неговата Дејли телеграф има преземено жесток анти-Руд став.