Скрининг процесот во пристапните преговори е пред крај. Во септермври се очекува Европската комисија да ги објави извештаите од овој скрининг процес во кои детално се забележуваат сите детали кои ќе бидат предмет на преговарачкиот процес.Извештајот на ЕК за Алвбанија и Македонија потоа ќе биде доставен до Совето на министрите каде што секоја земја членка ќе го даде своето мислење. Во меѓувреме Македонија во текот на есента треба да го усвои Акцискиот пплан за малцински права и антидискриминација кои преизлегува како обврска од преговварачката рамка. Заедно со овој Акциски план Македонија есенва ќе ги изготви и патоказите во областа на владеењето на правото, демокрстките процеси и јавната админстрација. Патокзаите ќе ги содржат сите мерки кои државата ќе ги направи до 2030 годиина во овие три области а со цел да биде во целост подготвена да и се придружи на ЕУ како полноправна членка во 2030 година. Патоказите треба детално да ги содржат плановите за импеметација на сите механизми неопходни да се исполнат европските стандарди во областа на владеењее на правото, функционирањето на демократските институции, граѓанската партиципација во процесите и создавање на јавна администрација во функција на граѓаните.
Трите патокази кои ќе се подготват во текот на есента ќе бидат ставени на јавната расправа и консултации со граѓанскиот сектор, стопанските комори и медиумите.
Акцискиот план за малцински права кои треба да ги задоволи барањата на Бугарија вклучени во преговарачката рамка не би требало да биде кочница во процесот.
„Досегашната комуникација со бугарската влада не укажува дека има какво било наметнување на нешто повеќе од она што го има во преговарачката рамка. Доколку успееме да ги завршиме нашите обврски, мислам дека нема Бугарија да има кредибилитет да вади било какви барања или причини. Ако има такво нешто, земјите–членки ќе извршат притисок да се тргне тоа од масата, а мислам дека и кај новата бугарска влада има голема волја да продолжиме понатаму „ вели Бојан Маричиќ, вицепремиер за европски интеграции
Се разбира главниот услов за преминување во втората фаза на преговарачкиот процес се уставните измени.
„Се разбира дека сум оптимист. Мислам дека ќе се усвојат уставните измени и работиме на тоа“, рече денеска Маричиќ, наспроти општиот впечаток дека процесот се развлекува и трокира.
„Немаме намера да застанеме со уставните измени. Има доволно време да се премисли опозицијата. Не се сите свесни што значи да се блокира процесот. Страшно ќе биде ако испуштиме уште една прилика што ќе не чини десет години, како во 2008-та. Следната година ќе има избори во Европскиот парламент и не се знае кој ќе дојде на функциите, па затоа целта е пакетот за проширувањето да се направи сега. Проблемите нема да исчезнат ако ги одложуваме, а последиците ќе бидат големи за државата ако застане процесот. Практично, за нас Албанија ќе стане тоа што е Хрватска денес. Зошто да дозволиме целиот регион да оди напред, а ние ќе останеме со државите што имаат системски слабости?“, вели Бојан Маричиќ.
БЈ