Aмбасадорка на Холандија, Мариет Схурман во неделното интервју на Радио Слободна Европа, предупредува и укажува на опасностите од заостанувањето на Македонија во демократксите процеси. Кометирајќи ги изборите Сурман вели дека Македонија не ги исполнува своите обврски превземени со членството во ОБСЕ.
“Мирен изборен ден не е стандард за европска земја каква што е и Македонија. Македонија е членка на Советот на Европа и како членка на ОБСЕ има преземено обврски да обезбедува основни слободи и права, вклучувајќи го и избирачкото право и извештајот на ОДИХР е многу јасен во кои обврски и меѓународни стандарди Македонија сè уште заостанува и не ги исполнува своите обврски” вели холандската амбасадорка Мариет Схурман во неделното интервју на Радио Слободна Европа.
Спроведување на изборни циклуси во кои не се имплементираат забелешките на ОБСЕ според Сурман оставаат впечаток на лажна демократија.
“Извештајот на ОДИХР, како и нивниот претходен извештај, е многу конзистентен околу овие прашања. Недостига рамноправен терен за натпревар, недостига одвојување на партиските активности од државата, а исто така и доверба во избирачкиот список и неефективно одговарање на жалбите кои ги поднесуваа граѓаните. Овие коментари, како што реков, се даваа постојано во претходните извештаи на ОДИХР во последниве неколку години и мислам дека е крајно време тие да бидат потенцирани затоа што довербата во функционирањето на парламентарната демократија базирана на владеење на правото треба да се врати. Мислам дека препораките на ОДИХР треба да се гледаат од таа перспектива, како препораки како да се врати довербата во системот затоа што мислам дека без доверба во системот, без соодветен одговор на жалбите и без доверба од страна на граѓаните дека тие можат целосно да партиципираат и имаат право на глас каде ќе се движи земјата, демократијата не може да функционира и имаме лажна демократија” вели холандската амбасадорка Мариет Схурман во неделното интервју на Радио Слободна Европа.
Во интервјуто амбасадорката на Кралството Холандија предупредува на заостанувањето на Македонија во однос на клучните Копенхашки критериуми.
“Ако го читате извештајот за напредокот во последниве години, многу е јасно околу што е главната загриженост, како што реков, фундаменталните принципи, копенхагенските принципи на функционирање на слободната пазарна економија, доброто функционирање на институциите кои гарантираат демократија и владеење на правото што ги подразбира и независноста на парламентот, на судството и на медиумите. Ова се клучните критериуми што треба да бидат исполнети, а околу нив постои и клучната загриженост. И мислам дека јасно ја покажавме нашата загриженост дека Македонија во овие области се враќа назад. Мислам дека е важно да се каже дека е повеќе од обична перцепција ако ги набљудувате индикаторите што доаѓаат од повеќе медиуми, слободата на медиумите, во последните десет години, Македонија драматично назадува во овие индекси. Тоа е повеќе од само перцепција и мора да сме сигурни дека трендот ќе се смени, а слободата на изразување, слободата на медиумите е обезбедена, затоа што тоа е клучен принцип на демократијата” холандската амбасадорка Мариет Схурман во неделното интервју на Радио Слободна Европа.