Група од 50 граѓани од Македонија предводена од Здружението “ДИВАН” отпатува за Сребреница по повод сеќавање на геноцидот на над 8.000 Бошњаци од Босна и Херцеговина. Главната порака која што ќе биде испратена со овој гест е никаде и никому да не му се случи тоа што му случи на народот во Сребреница.
„Со овој чин на 11 јули граѓаните на Република Македонија ќе им оддадат почит на жртвите, и ова година втор пат во поголем број директно ќе присуствуваат на комеморацијата во Меморијалниот Центар во Поточари, каде годинава ќе бидат погребани остатоците на телата на вкупно 127 жртви на геноцидот. На овој начин упатуваме порака дека сме против секој вид на злосторство и дека никогаш, никаде и никому да не му се случи тоа што им се случи на Бошњаците во Сребреница, а само мирот и соработката водат кон просперитет на сите народи и држави“ – истакна Зеќир Рамчиловиќ, Претседател на Здружението „Диван“.
Бошњачката културна заедница денеска во Скопје организираше и Марш за Сребреница.
„Организираме марш на мирот со еден единствена цел, за да го свртиме вниманието уште еднаш на страшната случка, овој страшен масакар, овој страшен геноцид во Босна и Херцеговина, за да идните генерации да не заборават, од оваа за излечат поука и никогаш повеќе да не се случи ваков геноцид на невини луѓе на територијата на Европа.”, изјави Џемил Бектовиќ, Претседател на Босанска културна заедница.
Инаку македонското Собрание усвои резолуција за Сребреница, и е обврзано да го одбележи 11 јули, денот за сеќавање на геноцидот во Сребреница и да им оддаде почит на жртвите на масакрот