Во знак на подршка за одбраната на ГТЦ од барокот на социјалните мрежи и веб порталите се појави фотографија од посетата на Маршалот Тито на скопски ГТЦ.
На фотографијата која датира втората половина на минатиот век иладници граѓани ја следат посетата на другарот Тито, кој со пура во устата продефилирал пред архитектонско урбанистичката инсталација, изградена непосредно после земјотресот.
Професори, студенти, уметници, невладини, но најмногу граѓани на Скопје од сите генерации ја потпишаа петицијата за спас на Трговскиот центар, а потоа држејќи се за раце, формираа жив штит, симболично прегрнувајќи го главното обележје на модерно Скопје.
Меѓу демонстрантите беше и Лидија Марковска, една од проектантите на ГТЦ, таа вели дека градбата на ГТЦ е таква што е невозможно да се подигаат столбови.
Пред граѓаните говореа професорите Митко Ралев, Елизабета Аврамовска, Небојша Вилиќ, Мартин Гулевски и претседателката на ААМ, Даница Павловска.