Додека германскиот канцелар Олаф Шолц беше зафатен со обидот да ја зачува својата коалиција, некој човек маскиран како за Ноќта на вештерките се обидел да упадне во неговиот дом.
Во неделата навечер, лице облечено во ракавици, качулка, маска и штитник на челото упаднало во станбен комплекс во Потсдам (лоциран на периферијата на Берлин) каде што живее Шолц, објави германското издание Шпигел, повикувајќи се на безбедносни службеници и објавувајќи скриншот од екранот од снимките на надзорните камери на зградата.
Според Шпигел, лицето се обидело да упадне во станот на германскиот канцелар, а потоа побегнало од местото откако било забележано.
Шолц не бил дома за време на инцидентот. Тој бил зафатен на состанок обидувајќи се да ја зачува својата коалиција – составена од неговите централно-левичарски Социјалдемократи, Зелените и либералната СДП. Состанокот што траеше околу 8 часа завршил без договор за неколку отворени прашања, објави Политико.
Иако официјалната резиденција на германскиот канцелар е Федералната канцеларија во Берлин, не сите канцелари избираат да живеат таму.
За време на нејзиниот мандат, Ангела Меркел живееше во цивилен стан во центарот на Берлин, со ограничено обезбедување.
Според Шпигел, по инцидентот во станбениот комплекс на Шолц биле преземени построги безбедносни мерки.