Околу 30 000 демонстранти на Талјанд, бараат смена на премиерката Јинглук Шинаватра. Во седиштето на Министерството за финансии упаднале 40 луѓе. Организаторите на протестите повикуваат поголем собир за да и се покаже на власта „која е моќта на народот“.
Околу 40 антивладини демонстранти упаднале во зградата во министерството, а илјада други во 13 различни згради во Бангкок со намера да се собори Премиерката, пренесува Ројтерс.
АП пренесува дека присуството на полиција пред седиштето на владините институции било ограничено, и покрај големиот број безбедносни сили помеѓу останатиот дел на градот каде што се одвиваа протестите во текот на викендот.
Демонстрантите бараат Премиерката да си даде оставка под обвинението дека нејзината Влада е под контрола на соборениот премиер и нејзин брат, Таксин Шинаватра.
Денешните протести следат по вчерашните демонстрации на кои учествуваа околу 100 000 луѓе во Бангкок, што се смета како еден од најголемите собири во Тајланд во последните неколку години.
Напнатоста во Тајланд расте бидејќи Парламентот го усвои законот за амнестија.
На 1 ноември, Долниот дом на Тајланд донесе закон за амнестија кој се однесува на кривични дела направени за време на политичките превирања кога пред седум години беше сменет премиерот Таксин, кој оттогаш се наоѓа во егзил.