Шефот на Демократската партија на Италија Матео Ренци од утре ги почнува консултациите за формирање на нова влада. Ренци вети дека во задачата ќе ги “вложи сета своја енергија и ентизујазам”. Со своите 39 години, и доколу собранието го усвои предлогот на нова влада, тој најверојатно ќе стане најмладиот премиер во ЕУ.
Ренци денес даде оставка на својата функција на градоначалник на Фиренца.
Според дадените ветување Италија од него се надева на инстуционални реформи околу изборното законодавство и укинување на Сенатот, реформа на јавната администрација и напори за намалување на невработеноста која во Италија се искачи на 13 проценти. Сите овие задачи тој верува дека ќе го заврши до 2018 година.
Италијанските медиуми Ренци го нарекуваат “човекот што брза” и додаваат дека досега тој сретнал повеќе проблечи во составот на новата влада. Морал да се откаже од економистката Лукрециа Реихлин за местото на министер за економија која е оцената од аналитичарите како политичар кој нема да има доволно тежина пред Европската комисија и Централната европска банка. Овој ресор е витален за излегување на рецесијата на Италија.
Освен тоа, писателот Алесандро Барико одбил да биде министер за култура.
Друга тешкотија се барањата на блиските на Силвио Берлускони од Новиот десен центар кои инсистираат да бидат дел од новата влада.
Досега јавноста не доби точни детали зошто Демократската партија успеа да ја турне владата на досегашниот премиер Енрико Лета од која доаѓа и Ренци кој нема никакво искуство ни во парламентот ни во министерство.
Според неделникот “Еспресо” станува збор за “смртен скок” кој може да резултира или во “потврда на неговото лидерство или да ја уништи неговата популарност”.
Во својата партија, најавувајќи ги реформите, Ренци рече дека Италија мора да “смени и хоризонт и ритам” и да излезе од “мочуриштето”. Но тој не даде никаков детал за тоа каде ќе најде пари за оживување на економијата, ублажување на даночниот товар врз претпријатијата и ниту пак за борбата против невработеноста.