Во акцијата Шпион, уапсен е и Мичо Насковски, екс-генерален директор на Бетон, дознава НОВА.
Ване Цветанов, екс директор на Агенција против перење пари, генерал Горан Стојков и Аце Диневски поранешен функционер од Агенцијата за разузнавање се останатите уапсени во оваа полициска акција.
Полицијата ги привела режисерот Борис Дамовски, авторот на анимираниот сатиричен филм „Еднооки“ кој и покрај големата популарност беше укинат и Марјан Маџовски, шеф на Кабинетот на претседателот на Собранието на РМ од 2005 година.
Приведени се 17 лица, осомничени се за кривични дела шпионажа, уцена и измама.
Двајца од уапсените биле вработени во Агенцијата за разузнавање, двајца активни во УБК, четворица се поранешни припадници на МВР, двајца од Министерство за одбрана, еден активен во МО, еден е од Собрание, еден од Агенција за спречување перење пари.
Членовите на групата поседувале цели архиви на класифицирани документи, со кои ја шпионирале државата и уценувале поединци. Меѓу себе биле координирани од своевидна паралелна служба.
Полицијата пронашла 16 парчиња оружје и 27 лап-топови, како и УСБ-а мемориски картички.
Од МВР неофицијално ги потврдија имињата на досега уапсените.