Премиерката на Обединетото Кралство на Велика Британија и Северна Ирска, Тереза Меј, денеска го поздрави постигнатиот договор помеѓу Република Македонија и Република Грција, како и ратификацијата во Собранието.
-Вакво значајно постигнување не би било возможно без политичката храброст, визија и лидерство, какви што двајцата покажавте. Како што претходно разговаравме во Скопје, решавањето на ова прашање ќе донесе енормни придобивки за двете држави, како и за поширокиот регион, стои во писмото од британската премиерка, во кое се додава дека „конечно после 25 годишниот спор, желбите на огромно мнозинство граѓани, кои сакаат да ја видат својата земја како членка на НАТО и ЕУ, ќе ги отвори вратите за овие аспирации“.
-Како долгогодишен пријател, Обединетото Кралство ќе продолжи да ја поддржува Македонија во патот на пристапувањето кон членството во Евро-атлантскиот сојуз, како и во мирот и просперитетот, што овие аспирации како и останатите реформи ќе го донесат за Вашата земја, и за регионот како целина, се истакнува во писмото на премиерката Меј, која се заблагодарува за гостопримството за време на нејзината посета во Скопје и очекува средба со премиерот Заев и со останатите премиери од регионот на Самитот за Западен Балкан, кој ќе се одржи следниот месец во Лондон.