Воената судијка, полковничката Денис Линд го ослободи во вторникот на американскиот војник Бредли Менинг од вината за помагање на непријателот, најтешката точка од обвиненијата за давање доверливи документи на разобличувачки интернет ресурс Викиликс, но го прогласи виновен по 19 од 21 обвинение за најголемото давање тајни информации во американската историја.
Американската влада бараше максимална казна поради тоа што, според неа, сериозното загрозување на националната безбедност, вклучувајќи ги извештаите од војните во Ирак и Авганистан, додека активистите за човекови права го бранеа потегот на Бредли Менинг како нешто што ги открива тајните американски операции во странство.
Американските обвинители во текот на судењето беа упорни во тврдењето дека американската безбедност била загрозена кога Викиликс објави видео снимка на борбена операција на американски борбен хеликоптер од типот „Апачи”, во кои настрада новинар, и стотици илјади дипломатски белешки додека од ноември 2009 до неговото апсење во мај 2010 година служел како воен аналитичар во Ирак.
Група од триесетина поддржувачи на Менинг се собра пред воениот суд во Форт Мид во американската сојузна држава Мериленд пред изрекувањето на пресудата.
Казната за Менинг би требало да биде изречена во среда, а му се заканува максимална вкупна казна по сите дела од 136 години затвор, пренесува макфакс.
На прелиминарното сослушување во февруари годинава, Менинг изјави дека со својата постапка сакал да „предизвика јавна расправа” за воените операции и методите применувани во војните во Ирак и во Авганистан. Призна дека доставувал тајни документи до Викиликс, како и дека е делумно виновен за уште десет точки од обвинението. Не призна дека свесно и помагал на глобалната терористичка мрежа Ал Каеда.