„Минуваме низ тешки часови, дојде до домино ефект по повлекувањето на силите. Ова е одлука на Вашингтон донесена и од внатрешно-политички причини“ изјави германската канцеларка Ангела Меркел по денешниот состанок на нејзината Христијанско-демократска унија, посветен на состојбите во Авганистан по повлекувањето на американската војска и повторното инсталирање на Талибанците.
Таа се осврна и на можниот бран бегалци од Авганистан, додавајќи дека сега од Талибанците и ситуацијата на границите зависи дали Авганистанците ќе можат да ја напуштат својата земја.
„ Интерес на Германија е Авганистанците да бидат згрижени и снабдени на лице место и укажа на потребата од потесна соработка со Турција“, изјави германската канцеларка.