Сите камиони испратени преку границата oд страна на Русија за хуманитарна мисија, но без одобрение на Украина, сега се вратени во Русија, изјавија меѓународните набљудувачи, јавува Си-Ен-Ен.
Вкупно 227 возила беа испратени во источна Украина во петокот, според Организацијата за безбедност и соработка во Европа, која има набљудувачка мисија на контролниот пункт каде конвојот поминал.
Од сабота попладне, сите возила се вратени во Русија по доставување помош во градот Луханск, упориште на про-руските бунтовниците.
Русија соопшти дека возилата беа на суштинска хуманитарна мисија, но меѓународните сили го осудија како кршење на суверенитетот на Украина.
Во услови на бес на Запад по инвазијата на рускиот конвој, германската канцеларка Ангела Меркел се сретна во Киев во сабота со украинскиот претседател Петро Порошенко.
На заедничката прес-конференција, Меркел изјави дека не може да се отфрлат понатамошни санкции против Русија, доколку нема напредок во решавањето на ситуацијата во источниот дел на Украина.
Во меѓувреме, Украина ќе добие кредит од 500 милиони евра од Германија, изјави канцеларката Ангела Меркел во Киев.
Парите ќе бидат искористени да помогне во обновата на оштетената инфраструктура на земјата, изјави Меркел на заедничката прес-конференција со претседателот Петро Порошенко, во украинскиот главен град во сабота.
Уште 25 милиони евра ќе одат кон помагање на бегалците, рече таа.
Четири месеци од борбите во источна Украина загинаа повеќе од 2.000 лица. Повеќе од 330.000 луѓе ги напуштиле своите домови.