Германската канцеларка Ангела Меркел денеска пристигна во Македонија, а нејзината посета е на одбележување на 27 годипнината од независноста на Македонија.
Таа беше пречекана од премиерот Зоран Заев на платото пред зградата на Владата со највисоки државни почести, а за еден час е закажана прес конференција.
Меркел е првиот канцелар кој доаѓа во Македонија, по Герхард Шредер кој накратко ја посети земјава за време на косовската криза во 1999 година. Таа дојде на функцијата канцелар во 2005 година, веднаш по Шредер.
Нејзината еднодневна посета е со цел да и даде јасна поддршка на нашата земја за Договорот од Преспа, но и да упати порака за успешност на референдумот со кој се отвораат вратите за евроатлантските интеграции на Македонија.
За деталите од средбата по еден час во холот на Владата ќе се оддржи заедничка прес конференција на македонскиот премиер и германската канцеларка.
Според најавата од ВМРО-ДПМНЕ, таа и лидерот Христијан Мицкоски, ќе имаат средба во 14 часот во Германската амбасада во Скопје. Засега нема најави дека Меркел ќе се сретне со претседателот Ѓорге Иванов.