Германската канцеларка во заминување Ангела Меркел денеска положи венец во Меморијалниот центар на холокаустот „Јад Вашем“ стациониран во близина на Ерусалим, во спомен на шесте милиони Евреи од Европа убиени од нацистите и нивните соработници за време на Втората светска војна.
-Секоја посета на „Јад Вашем“ ме допира до срж. Злосторствата против еврејскиот народ што се документирани овде се вечен потсетник за одговорноста што ја сносиме ние Германците и предупредување“,рече Меркел надополнувајќи дека одговорноста на Германија поради ова е да се спротивставува и на најмалиот ризик од антисемитизам.
Израел како држава се конституира во 1948 година, но дипломатските односи со Германија се воспоставија 17 години подоцна во 1965 година. Низ годините односите прогресираа во позитивен правец, па така сега Германија е најголем трговски партнер на Израел во Европа.
Меркел во саботата вечерта пристигна во дводневна проштална посета на Израел како канцеларка, во рамките на која се сретна со израелскиот премиер Нафтали Бенет и новиот претседател на земјата, Исак Херцог.