Загинатите 14 мигранти седеле на шините заедно со другите од групата но не успеале да скокнат и да се спасат, соопшти Министерството за внатрешни работи.
Машиновозачот откако забележал поголема група мигранти кои седеле внатрешно на пругата во должина од 100 метри почнал да кочи и свирел со сирената, при што дел од нив почнале да скокаат настрана, а еден дел останале на пругата и биле удрени од локомотивата, која по ударот била оштетена и онеспособена.
При увидот извршен од СВР Велес, телата на загинатите Авганистанци и Сомалијци биле откриени во должина од 150 метри по пругата.
Мигрантите загинаа синоќа околу 22.30 часот кога беа удрени од Експресниот воз бр.334, кој сообраќа на релацијата Солун-Белград, помеѓу железничка станица „Рајко Жинзифов“ и железничка станица „Пчиња“.
Од едната страна на шините е реката Вардар а од другата рид, така што до местото на несреќата се пристига со воз.