Мијалков излегува од притвор со гаранција од над 11 милиони евра

Поранешниот директор на УБК, Сашо Мијалков се очекува да излезе од притвор, откако како што потврдија за Нова ТВ од Апелацискиот суд во Скопје, е прифатена гаранцијата од 11. 106 501 евро.

– Го преиначивме решението за притвор и ја прифативме гаранцијата – вели за Нова ТВ судијката Татјана Дуковска од Апелацискиот суд.

На Мијалков определена му е мерка на претпазливост – му се одзема пасошот и тој има обврска да се јавува во судот.

Гаранцијата над 11 милиони евра, се состои и во недвижен и во подвижен имот.

Поранешниот шеф на УБК, ќе излезе од притвор, откако имотот што е приложен во гаранцијата ќе биде ставен под хипотека.