Владата ќе потроши речиси 62 милиони денари или 1 милион евра за две нови кампањи во два огласи распишани во јануари. Изборот на најповолен понудувач за едната кампања ќе биде познат во понеделник, а за втората кампања на 28 фебруари, а пресуден ќе биде квалитетот кој носи 65 бодови, додека цената носи 35.
Владата ги распишала огласите непосредно пред распишувањето на претседателските избори. Во првиот оглас бара понудувач кој ќе изработува ТВ и радио спотови, лого, постери, банери и билборди, како и севкупно осмислување на ПР стратегија за промоција на кампањата насловена како „кампања за подигање на свесноста на граѓанинот за неговата улога, учество и однесување во сообраќајот“, додека другата кампања цели да ги информира граѓаните за реформите во јавната администрација која ги спровела владата. Секоја од нив чини по половина милион евра.
Во оваа цена влегувуаат само трошоците за реализација на камањата, додека трошоците за рекламирање на истата во медиумите не е во оваа цена, а истите тешко може да се дознаат бидејќи институциите ги водат како „класифицирани информации“ или државни тајни.
Пред неколку месеци, односно есеноска, владат распиша рекорден број на огласи за кампањи во вредност од околу 4 милиони евра.