На социјалните мрежи хит е циничниот коментар на Твитер на екс- министерот за надворешни Антонио Милошоски за министерот за труд Спиро Ристовски по неговото тврдење дека граѓаните одбиваат работа.
Милошоски напиша:
#Спиро кажа што кажа, но заборави дека има родители што не му дозволуваат на својот 32- годишен умен “син на Мајка” да работи се и сешто!
Како што е веќе познато, министерот Ристовски изјави:
-Не ја прифаќам констатацијата дека во Македонија тешко може да се најде работно место, туку е проблем да се ангажираат дел од луѓето да прифатат да бидат работно ангажирани. Факт е дека голем број граѓани одбиваат и пребираат работни места. Јас не велам дека секој треба да прифати да биде работно ангажиран на несоодветни работни места, но очекувам многу поголема активација, пред сѐ кај младите во борбата за добивање на што подобро и поквалитетно работно место, рече министерот за труд и социјална политика Ристовски.
Потоа, на друг твит, Милошоски напиша:
Antonio Miloshoski @AMiloshoski 21h
• Спиротека
• Спироманија
• Спирографија
• Спирохондрија
• Спиро-пер-капита
• Спирократија
• Спирометар
• Спиротеза
• Спирофилија
#Спиро
Инаку, Антонио Милошоски се смета како постар кадар во ВМРО-ДПМНЕ, со оглед на фактот дека беше под патронат на еден од столбовите на оваа партија, сега починатата, Доста Димовска, додека Спиро Ристовски припаѓа на младите гарнитури.