Милошоски по средбата во Владатa: Имавме конструктивна дебата

Заврши средбата во Влада, меѓу претставници на ВМРО ДПМНЕ и на СДСМ околу новиот Закон за Јавно обвинителство со кој треба да се регулира и статусот на СЈО.

Пратеникот на ВМРО ДПМНЕ Антонио Милошоски, рече дека средбата била конструктивна и дека се договориле „околу финансирањето на обвинитеството и за поголема одговорност на обвинителите“.

Детали не сакаше да соопшти затоа што на средбата постигнале договор да не се изнесуваат повеќе информации за да се постигне конечен договор.

ВМРО ДПМНЕ се противи Вилма Русковска да раководи со Јавното обвинителство за организиран криминал во кој ќе биде и СЈО, но за оваа тема не се разговарало на денешната средба.

Нова средба ќе има деновиве пред Илинден.