Причините за падот на хрватскиот авион МИГ-21 во следните 30 дена ќе ги истражува осумчлена комисија на Министерството за одбрана. Хрватскиот министер за одбрана Анте Котромановиќ порача дека е подготвен да си даде оставка.
„Јас сум подготвен на оставка, политичка личност сум и така морам да размислувам“, рекол Котромановиќ.
На прашањето дали оставката ќе ја однесе поради морална одговорност, тој одговорил дека ќе разговара со својот шеф и дека ќе ги почека информациите од комисијата по што ќе ја извести јавноста.
Вчера во 14.47 часот се урна борбен ловец на Хрватската војска МИГ-21 на подрачјето на Велика Горица, пилотот Станко Хржењак скокнал од авионот и преживеал.
Пилотот на вонредна конференција за печат изјави дека пред полетувањето се било во ред со авионот, но недалеку од Загреб откажал хидрауличниот систем, „се запали моторот и кабината се наполни со чад“, изјави Хржењак.
Поради тоа морал да се катапултира од 200 метри надморска висина, а авионот се урнал 300 метри од него.
Наравил неколку кругови за да потроши што повеќе гориво и потоа авионот го насочил кон ненаселено место. Хржењак има 25 годишно летачко искуство и се извлече од ситуацијата без повреди.
Авионот со ознаки 121 последен пат бил на ремонт пред 12 години во Романија.