Министерството за финансии согласно Законот за јавен долг на крајот од секој квартал прописно и уредно го објавува државниот и јавниот долг и тоа го направи и денеска на крајот од третиот квартал, реагираше министерството на тврдењето на СДСМ дека се прави обид за да се скрие вистинскиот износ на долгот.
Од министерството тврдат дека дите податоци за државниот и јавниот долг може да се најдат на веб страницата на Министерство за финансии.
„ Затоа не гледаме која е причината за реакција од страна на опозициската СДСМ“ се наведува во реакцијата од Министерството.
Од таму со образложение и дека за третиот квартал од годинава државниот долг изнесува 36 отсто од БДП и споредбено со вториот квартал претставува намалување за 5,2 милиони евра односно за 0,1 процентен поен. Јавниот долг изнесува 43,9 отсто од БДП додека претходниот квартал изнесувал 43,7 отсто.