Министерството за здравство ја одзеде дозволата за работра на болницата Санте Плус, каде што при породување почина родилката Дебора Џамбази. Оваа одлука ја донеле откако ДСЗИ констатирале низа неправилности во работењето на болницата, соопштија од Министерството за здравство.
„Ве информираме дека по извршениот вонреден инспекциски надзор од страна на Државниот санитарен и здравствен инспекторат и извештајот за извршен стручен надзор над работата на Приватната здравствена установа “Санте плус гроуп”, утврдени се неправилности во работата на болницата во однос на кадар и опрема, по што Министерството за здравство донесе решение да ја одземе дозволата за работа на ПЗУ „Санте Плус гроуп‘‘.
Во исто време, Ве информираме дека обдукцискиот наод нема да го коментираме, бидејќи е предаден во Основното јавно обвинителство кое отвори истрага за случајот со смртта на родилката од Кичево“, се вели во соопштението на МЗ.
Иако извештајот содржи многу детали за неправилностите и се што е најдено во болницата во време на инспекцискиот надзор, Министерството вечерва излезе само со овие оскудни информации.