Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Министерството за здравство ќе го испитува случајот на Мери Стојаноска

0
By Менче Атанасова Точи on March 5, 2015 ПОЛИТИКА
СПОДЕЛИ
Facebook Twitter LinkedIn Email
Published: Thursday, March 5, 2015 18:49

Министерството за здравство одлучи да го испита случајот на Мери Стојаноска која обвинува за нестручно изведена интервенција за време на нејзиното породување по што починало нејзиното бебе, а таа завршила со тешки компликации. Дали има основ да реагираат ќе оценат кога ќе ги добијат резултатите од Државниот санитарен и здравствен инспекторат и Институтот за патологија.

„Со цел координирано постапување по претставки, Државниот санитарен и здравствен инспекторат излезе на терен да изврши увид и по добивање на резултатот од Институтот за патологија ќе биде доставен извештај. Во зависност од наодот и извештајот, ќе се оцени дали и како ќе се постапи понатаму, односно дали ќе има реакција од здравствениот систем,“ се вели во одговорот од Министерството за здравство.

Од клиниката за детски болести за НОВА тврдат дека бебето било донесено четири часа по раѓањето во исклучително тешка состојба, без сопствено дишење.Лекарите од одделот за интензивна нега објаснуваат дека за целиот престој таму новороденчето било приклучено на машина за дишење, во многу тешка состојба, со невролошки напади и грчеви поради недостиг на кислород во телото.

„На 30 јануари по продлабочување на срцева и респираторна слабост бебето беше реанимирано повеќе пати, но последната реанимација не даде одговор по што почина“, соопштуваат на Клиниката за детски болести.

Лекарите кои се грижеле за него велат дека бебето починало од асфиксија перинаталис(недоволно снабдување со кислород на телото кое резултира со потешкотии во дишење), поставен е сомнеж за можна сепса , како и срцева инсуфициенција.


Сепак, конечниот одговор за причината на смртта ќе зависи од наодот на обдукцијата. Но, иако обдукцијата на Патологија е направена пред еден месец извештајот се уште не е готов.
Неофицијално, она што ги вознемирува и гинеколозите и педијатрите е сознанието дека кај се повеќе здрави новороденчиња лекарите интервенираат заради асфикција, односно недостаток на кислород при породување. Но, оваа информација не е официјално потврдена, нема прецизен податок дали се зголемува бројот на вакви бебиња, туку се се заснива на општ впечаток на педијатрите.

Некои од лекарите велат дека голем удел во целата работа имаат заострените критериуми на Министерството за здравство, односно одредбата која беше донесена минатата година со која царски рез се дозволува да се прави само ако има индикација за тоа. Дел од лекарите велат дека се случувало гинеколози да не направат добра проценка и по пат на нормално породување да интервенираат кај жени кои носат крупни бебиња, а и тие самите имаат голема тежина или пак, породувањето на било кој начин е отежнато. Но, никој од нив јавно не сака да коментира за ова.

Поради негативните реакции, Министерот Тодоров вчера се предомисли и ја повлече спорната одредба со која се забранува царски рез по избор на жената.

„Доколку жената инсистира на царски рез, таа нејзина желба ќе се почитува“, изјави на вчерашната прес конференција министерот Тодоров.


Но, случајот во болницата во Прилеп не е прв и единствен. Таму и минатата година почина родилка, а во годините наназад бремените жени го избегнуваат гинеколошкото одделение во оваа болница. Гинеколози кои работат таму ја објаснуваат состојбата во болницата и лошите услови за работа. Тие велат дека во болницата има само тројца гинеколози што е катастрофално лоша покриеност за повеќе од 100 000 жители на Прилеп, Крушево и околните села. Со години наназад петмина гинеколози доаѓаат од болницата во Битола, за да може да функционира одделението за гинекологија.

„Ние најчесто во Прилеп доаѓаме после дежурство од Битола и продолжуваме да дежураме, тоа се вкупно 48 часа непрекината работа. Проценете сами колкав е ризикот за да се направи грешка. Често пати укажуваме дека условите за работа не се добри, таму нема топла вода ниту греење, имаме проблем со светлата, со инструментите за работа“, изјави за НОВА Гоце Чакаревски, гинеколог од Битола.

Чакаревски објаснува дека проблемот е системски. Сепак појаснува дека во болницата во Прилеп постојат поинакви процедури при породување, се прави ЕКГ, се зема крв при што може да се изгуби скапоцено време, бебето да се заглави при излегување.

Објаснува дека во болницата нема парно и топла вода бидејќи сметката на болницата е блокирана поради големите долгови. Лекарите се жалат дека голем проблем е што државата дозволува малку специјализации, поради што постои опасност и Битола за 3-4 години да остане само со двајца гинеколози.

Прилепчанката Мери Стојаноска најавува дека ја тера работата до крај. Таа вели дека породувањето го извршила лекарка гинеколог од Клиничката болница во Битола. На Отпусната листа стои дека Стојаноска родила живо машко бебе тешко 4,200 грама и дека се испишува во општа добра состојба со напомена, да се јави на контрола по пет недели. Но, по четири дена бебето почина на детската клиника во Скопје. На Стојаноска пет дена по породувањето и била извршена уште една интервенција во приватна болница поради компликации бидејки и биле заборавени делови од плацента.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.