Во моментов поголема група на бегалци со транспаренти во раце мирно протестираат на грчко-македонската граница.
„Отворете ги границите“ е пораката до Грција и Македонија која тие ја потенцираат, давајќи рок до полноќ да биде дозволен преминот.
Во спротивно, помала група на бегалци се заканува дека нема да дозволат да бидат и понатаму заглавени и насилно ќе ја пробијат оградата за да тргнат кон земјите кои им се крајна цел.
>> Засилено присуството на грчката полиција на преминот кон Македонија
Над 8.000 луѓе се заглавени во кампот „Идомени“ каде ситуацијата е алармантна, ограничен е пристапот до храна а огромен број на луѓе чекаат да бидат прегледани од лекарите.
Грчкото МВР соопшти дека тие очекуваат оваа бројка во наредните недели да достигне и до 100.000.
Засега од македонската страна се пропуштаат мал број на бегалци од Сирија и Ирак, односно се допушта транзит на толку колку што земјите од ЕУ прифаќаат во моментов.
НОВА останува на терен а подоцна следува подетален извештај.