И на денешниот мирен собир пред Владата е присутен силен кордон на полиција. Булеварот „Илинден“ е блокиран а присутни се неколку стотици луѓе, кои со свеќи во рака, делат цвеќиња меѓу народот, за да им се оддаде почит на полицајците загинати при настаните во Куманово.
Тоа беше и првичната цел на движењето „Протестирам“, кое за денеска најави дека ќе има мирен собир, на кој ќе се изрази сочувство до семејствата на загинатите, а истовремено ќе упатат барања до Владата.
Барањата се итна оставка и преземање одговорност, итно ослободување на сите активисти притворени од 5 мај наваму и формирање Влада за демократизација на институциите.
Членот на Солидарност, Горан Јанев потетсува за фундаменталното право да се протестира, но за жал, како што вели тој, малата бројка на луѓе денеска на собирот покажува дека постојат други фактори кои влијаат на таа бојка.
– Пред се, немилите настани во Куманово, кои завршија со трагични и огромни човечки загуби кои внесоа страв кај огромен број на граѓани. Начинот на кој бевме информирани отвори пат за безброј шпекулации за тоа што се случува, односно бевме неинформирани за тоа што се случува.
Разговорот со Горан Јанев во продолжение во ВИДЕОТО.