Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

“Мирот” на Путин: Терор маскиран како дипломатија

0
By Marija Todorovska on May 20, 2025 ТЕМА
СПОДЕЛИ
Facebook Twitter LinkedIn Email

Зад секој збор „мир“ се крие проектил. Зад секое ветување – стапица. Путин ја претвори дипломатијата во оружје за продолжување на војната, манипулирање со светот и уништување на Украина – никогаш не го менува сценариото, само ја прилагодува маската. Тоа е мафијашка дипломатија. Закани маскирани како услови. Насилство што се претставува како разум.

Џабир Дерала 

Рускиот тиранин и воен злосторник Владимир Путин и понатаму бесрамно парадира на глобалната сцена на манипулациите — никогаш не се повлекува, никогаш не го менува сценариото, само ги менува маските. Една од неговите изведби беше да се претстави како да е спремен за „безусловни“ преговори за прекин на огнот. Дури и го посочи Истанбул како локација за директни разговори. Но, како и секогаш, тоа беше внимателно режирана измама.

Претседателот на Украина, Володимир Зеленски, пристигна во Истанбул подготвен за сериозен дијалог. Путин, сосема очекувано, не се појави. Наместо тоа, испрати функционер без моќ за одлучување, а за тоа време руските ракети продолжија да ги напаѓаат украинските градови. Цивили беа убиени. Домови уништени. Инфраструктура разурната. Толку од „мирот“.

Потоа следеше двочасовен телефонски разговор помеѓу Путин и претседателот на САД, Доналд Трамп. Според Трамп, Путин бил „подготвен да ја прекине војната“. Но, реториката на Кремљ веднаш се врати на старата плоча: пред да има мир, мора да се решат „основните причини“ (руски: коренные причины). Со други зборови, Украина мора да се предаде, НАТО да се повлече, а Русија да ја прекрои Европа според својот диктат.

Тоа е мафијашка дипломатија. Закани маскирани како услови. Насилство што се претставува како разум.

Путин ја игра оваа игра со децении. Вели „мир“, а мисли војна. Нуди „преговори“, а испраќа бомби. Зборува во флоскули додека извршува воени злосторства. Неговите таканаречени мировни иницијативи не се пат кон решение — тие се пропагандни алатки за одложување, збунување, поделба и слабеење на Западот.

И сепак, секогаш кога ќе ја изговори зборот „мир“, дел од светот замолкнува. Некои сè уште се надеваат дека овој пат можеби навистина мисли така. Не го мисли тоа. Никогаш не го мислел тоа. Никогаш нема да го мисли тоа.

Ова е истиот човек одговорен за масовната депортација на повеќе од 20.000 украински деца. Истата власт што таргетира родилишта, убива цивили и намерно ја уништува енергетската инфраструктура. Ова не е само војна за територија – ова е геноциден поход со цел да се избрише украинскиот идентитет, јазик и државност.

Режимот на Путин не е влада – тоа е криминален синдикат облечен во воени униформи и обвиткан со државна пропаганда. Во денешна Русија, вистината е нелегална, несогласувањето е злосторство, а „мирот“ е лага кажана со камено лице.

Руското општество е натопено со токсичен национализам, милитаризам и крвав култ кон насилството – претворајќи го безбожничкиот садизам во „евангелие“ управувано од државата.

Кога Путин вели „безусловно“, тој мисли: дајте ми сѐ. Дозволете ми да го задржам украденото. Оставете ме јас да ја прераскажам историјата. И признајте ме како победник.

Овој театар мора да заврши.

Зборовите се оружје во рацете на Путин. Тој не го користи јазикот за градење мир, туку за да го уништи неговото значење. Неговата верзија на „дијалог“ е стапица. Неговите преговори се пауза за повторно полнење на оружјето. Неговата дипломатија е само оружје за кршење на отпорот.

Тоа е мафијашка дипломатија. Закани маскирани како услови. Насилство што се претставува како разум.

Гледајте како сега се активираат ехо-коморите на Кремљ и странските апологети. Ќе кажат: „Украина треба да учествува.“ „Путин се обидува.“ „Западот мора да попушти.“ Сето тоа е внимателно изработено за да се замагли моралната линија помеѓу агресорот и жртвата. Ова е најстариот трик на Кремљ: лажна рамнотежа, лажна еднаквост, измислени наративи.

Но вистината не е комплицирана.

Вистинскиот мир почнува со целосно повлекување на руските сили — од секоја педа украинска земја, вклучувајќи ги Крим и Донбас. Тоа налага отштета за разурнувањата. Тоа подразбира правда за воените злосторства и злосторствата против човештвото. Овие не се идеалистички барања. Тие се минимум – за човечко достоинство и меѓународно право.

Како што ми рече Роџер Касале, поранешен британски пратеник: „Нема добра вест од Путин – има само лажна вест.“ Во право е. Оваа најнова фарса беше темпирана за да го одврати вниманието од зајакнувањето на сојузите на Украина — особено пораката испратена од Самитот на Коалицијата на Подготвените на 10 мај во Киев.

Сето тоа се случува додека убиствата продолжуваат. Ракетниот терор продолжува. Децата сè уште се киднапирани.

Украина направи сѐ што меѓународната заедница бараше. Се откажа од нуклеарното оружје во 1994 година во замена за безбедносни гаранции — кои Русија ги уништи. Од тогаш, таа се спротивставува со храброст, го брани меѓународниот правен поредок и стои како штит за безбедноста на Европа.

Ниту една нација не сака мир повеќе од Украина. Но мир изграден врз измама не е мир. Тоа е покорност во друго руво. Примирје без правда е само пауза пред следниот напад.

Секогаш мора да останеме отворени за мир – но не за лаги. Не за манипулации. Не за театарот на воените злосторници.

Сетете се на Буча. Сетете се на Мариупол. Сетете се на тишината на депортираните деца.

Путин не е државник. Тој не е партнер.
Тој не е мировник.
Тој е тиранин што ги претвора јазикот, дипломатијата и самата смрт во оружје.

Да се верува во спротивното не е наивност — тоа е соучесништво.

Текстот е сопственост на Civil.Today

дипломатија Мир Путин Украина Џабир Дерала
Share. Facebook Twitter LinkedIn Email
ТИКЕР

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025

Бугарската војска со специјализирана опрема помага во чистењето на поплавената населба Елените на крајбрежјето

October 5, 2025
ФОКУС

Израел и Хамас почнуваат преговори во Египет за мировниот план на Трамп за Газа

ВЕСТИ October 6, 2025

Во пресрет на очекуваниот прекин на огнот во конфликтот во Газа, претставници на Израел и…

Кијив: Во руските напади врз Запорожје едно лице загина и девет други се повредени

October 5, 2025

Родителите од Кочани до мицкоски: треба да се засрамиш, а не да одиш со крената глава

October 4, 2025

Кочани: Нов марш за Ангелите – Обвинителниот акт е непобитен доказ дека правдата не е на страна на жртвите туку на виновниците

October 4, 2025
ТИКЕР

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025

Бугарската војска со специјализирана опрема помага во чистењето на поплавената населба Елените на крајбрежјето

October 5, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.