Револтирана од изјавата на двајцата лекари во Санте Плус , како и од менаџерката на болницата во Скопје, Весна Камилова кои пред инспекторите негирале дека ја оперирале и лекувале Мирсада Џуџевиќ Ќерими, таа им порача дека нема да се откаже од целта, за правдата да излезе на виделина.
„ Револтирана сум бидејќи мене таму ме знаат сите, од портир , хигиеничар, до лекар. Не можам да верувам дека можат да кажат такво нешто, еве уште еднаш ќе кажам мене таму ми е правена последната операција, др. Ирина Гаџовска ме оперираше, а асистираше др. Јегени. Шокирана сум од нивната изјава и не можам да верувам дека еден лекар може да го одрече тоа. Дури една медицинска сестра кога ме виде од кога раната ми зарасна, ми рече, Мирсада ти ли си тоа, а јас тебе те прежалив. Во толку тешка состојба бев. Документите за кои тврдат дека се превод од Турција, тоа не е точно, се гледа дека се од тука од прегледите и интервенциите правени во Санте Плус во Скопје. Дојдов уште еднаш да ги замолам сите надлежни, да не потклекнуваат на вакви лаги, да се реши мојот случај и да не дозволуваме да има и други вакви случаи“, изјави за НОВА Мирсада Џуџевиќ Ќерими.
Заедно со неа во редакцијата на НОВА дојде и нејзината пријателка Мујесира Алим, како поддршка за да каже дека за цело време додека траело лекувањето во Санте Плус, цели три месеци доаѓала заедно со неа во болницата за да и помогне и била сведок на се што се случува.
„Цело време бев со неа на сите третмани, преврски, операција и се ова што тврдат е крајно непрофесионално. Не знам како издржа таа, одевме секојд ден на 40 степени по горештините во така теѓка состојба. Дури и јас сакав да се оперирам таму, преговрав со нив, но се предомислив кога видов што и на направија на Мирсада“, рече Мујасира Алим.
Мирсада ја повика Владата, Министерството за здравство и Државниот санитарен и здравствен инспекторат да се заложат за нејзиниот случај и да испитаат како функционира болницата Санте Плус.
НОВА, неофицијално дознава дека од Владата веќе се јавиле во ДСЗИ и инсистирале овој случај да биде решен што побргу. ДСЗИ велат дека ја комплетираат документацијата и работат на решавање на случајот.
“Сакам да го потсетам и др. Јегени кој рекол дека не се сеќава на мене, дека јас добро се сеќавам кога неговиот мобилен телефон постојано звонеше во опеационата сала. А, со мобилен во операцина сала не се влегува бидејќи е извор на бактерии. Морам да кажам и дека дента пред да објавите, а сте ја барале менаџерката Камилова, ми се јавија од болницата во Турција и ми понудија повторно да интервенираат кај мене, само случајот да не излезе во јавноста. Јас се разбира не прифатив ништо од тоа“, рече Мирсада Џуџевиќ Ќерими. ерниата
Откако НОВА ја објави сторијата за 41 годишната жена која живее во страв да не и излезат цревата по неколку неупешни операции од кила кои и биле направени во болницата Санте Плус во Турција и една во Санте Плус во Скопје, инспектори од Државниот санитарен и здравствен инспекторат влегоа во болницата Санте Плус во Скопје.
Од инспекторатот утврдиле дека Мирсада Џуџевиќ Ќерими воопшто не била евидентирана во дневникот на болницата, а лекарите не признавале дека што тука ја лекувале пациентката, иако за тоа постојат документи. Кога инспекторите им ги покажале отпусните писма со датум, печат и потпис од др. Ирена Гаџовска, од болницата рекле дека тие се превод од Турција.
По се што преживеала Мирсада, од кога зараснала раната, а хернијата(кила) се појавила повторно таа е постојано со појас, бидејќи како што тврди на нејзиниот стомак повеќе нема мускули и постои опасност да излезат цревата.