НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Мицко вс Дерала

0
By Ана Василевска on June 14, 2023 ВЕСТИ, КОМЕНТАРИ, ОПШТЕСТВО, ПОЛИТИКА
Бранко Тричковски
Бранко Тричковски
СПОДЕЛИ
Facebook Twitter LinkedIn Email

БРАНКО ТРИЧКОВСКИ

Тој мора да е надчовек.

Во ничеанска смисла.

Во време на епските, библиски, би рекол, мојсиевски напори да го крене нивото на Црвеното море и да го спречи преминот на Македонците во ветената земја Европа, тој наоѓа инспирација, мотивација, време и стрв да лапне некој денар месо како мршојадец од алфа тип, да го тужи Џабир Дерала за клевета и душевни болки во денарска противвредност од 60.000 денари.

Ѓоковиќ, Јокиќ и Тесла+Гоце Делчев и Даме Груев не би можеле да се доближат до овие остварувања со 30 гранд слема, со десет прстени и со пет манекенски револуции со табакери и маски на црни ќумурџичиња.

Мицкоски: Семејниот дом на семејството на мојот зет, сестра и внука, создаден со продаден имот добиен како наследство и подигнат банкарски кредит, го претставуваат како мој скриен имот.

Демек објаснувањето во инкриминираниот текст не му ја намалило болката од насловот дека купил куќа од 1.5 милиони евра.

Па, добро Христијан, сите знаеме дека сите политички џеси џејмсови и кол јангери имаат сестри и зетовци кои наследиле имот па го продале па дигнале кредит и така изградиле гимназии и касарни односно куќи во таков формат. Груевски викаше дека се што има е на име на мајка му. Силви викаше слично за становите и бизнисите по Скопје. Не знам каков имот наследил Лигњата Ацо за хотелот кој до пола влегува во територијалните води на Албанија. Што продале Хер Флик и оној симпатичен говњар кој освен што читаше изборни резултати нема работено ништо во животот а има имот каков што јас нема да имам никогаш ако не се зачленам во вмро.

Нема кај нас политичар кој не може да се пофали дека нема ништо.

Хахаха!

Но, сепак, можеме ли ние, јавноста на Северна Македонија, да видиме кој имот го наследиле зетот/сестрата/внуката, колку пари е продаден тој имот, колку данок е платен, колкав кредит е земен, колкава е каматата и колкава е ратата. Ти ни должиш објаснување за продажбата на хидроцентралите. Тоа што сега немаш хидроцентрали не значи дека не треба да ни објасниш како, со кои пари, со кое наследство и кредити си ги изградил, колку пари си ги продал и колку данок си платил.

Тоа е.

За грозотијата од зградурина во која така бесмислемо столувате ти и твојата злосторничка инсталација, да не правиме муабет.

Уште ли сте блокирани?

Прашувам.

Оставам ИРЛ да го истражи случајот.

Како функционира зградурина од десетина илјади квадрати со пет души. Добро, еве, нека се десет.

А за штетите, навредите, клеветите на голем дел од граѓаните, за блокадата на нивните перспективи, за уништувањето на нивната егзистенција, на нивната сегашност, преку тралалајки за националниот идентитет, ќе се видиме на некое следно рочиште пред судот на Историјата. Знам дека звучи патетично, но друго не ми текнува. Сигурно се сеќаваш дека твојата тужба против мене обвинителот ја одби делумно поради мојата маестрална одбрана, а делумно поради твојата глупоќа да тужиш за врвна политичка поезија на тема на твојата смрт. Утре ќе го објавам статусот што те вознемирил. Морам да се потсетувам што е тоа што те обеспокојува за да можам да продолжам да се борам за интересите на луѓето.

П.С.

Ако судот го осуди Дерала ќе предложам акција на масовна национална солидарност за собирање на пари (60.000 +35.000 трошоци) за исплата на штетите што ги претепел Мицко. Можеме да приредиме и заеднички концерт на Филхарминија и Големиот џез оркестар. Демек на свадбата на народот со вистината.

Текстот е личен став на Авторот.

Извор Фронтлајн

Бранко Тричковски Христијан Мицкоски Џабир Дерала
Share. Facebook Twitter LinkedIn Email
ТИКЕР

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025

Анкета на Ројтерс/Ипсос: Повеќето Американци веруваат дека сите членки на ОН треба да ја признаат Палестина

August 21, 2025

Малолетници фрлиле камења врз автобус со српски туристи во близина на Солун, повредени три лица

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.