Официјалното име на државата, Северна Македонија е реалност за лидерот на опозицијата, Христијан Мицкоски, кој гордо застана на сцената на конгресот на Европската народна партија во Букурешт, откако беше претставен како лидер на опозицијата на Северна Македонија.
Сепак, одредени портали блиски до ВМРО-ДПМНЕ се обидоа да создадат своја, алтернативна вистина, па со монтирано видео креираа лажни вести дека најавувачката на конгресот, Мицкоски го најавила дека доаѓа од Македонија, а не Северна Македонија.
Од официјалното видео на конгресот на ЕПП и од преносот во живо може да се види дека најавувачката го кажа целосното име на државата, Северна Македонија, но проблем имаше со презимето на лидерот на ВМРО-ДПМНЕ, кој наместо Мицкоски беше претставен како Микоски.