Мицкоски: Не сум „сештолог“ ама нема стока по планините да ни ја пасат тревата и затоа ни се случуваат пожарите

Христијан Мицкоски: За жал тоа е една од причините зошто ни се шират пожарите, затоа што немаме стока по планините да пасат трева и затоа ни е тревата бујна. Сега ќе се суши, топло е и ќе почнат пожарите. Друго е порано, многу стока по планините, илјадници, десетици, стотици илјади грла ја пасат тревата и помала е можноста за пожари. Сега бујна вегетација, топло време, се суши, мала искра и бувнува, бувнува пожар. Тука малце треба да се поработи, … но за жал се помалку луѓе се занимаваат со сточарство, помалку овчари иако е многу добро платена професија – две ипол илјади евра е месечен надомест за овчарите, но се помалку луѓе се занимаваат со тоа. Лично го следам, не дека сум „сештолог“.