Published: Sunday, May 11, 2014 17:02
Од вкупно 22 делегати кои досега земаа збор во дискусиите на Конгресот на СДСМ на кој што ќе се гласа за доверба на Зоран Заев, 17 од делегатитите го поддржале, додека 5 од нив побарале оставка во своите дискусии, информираат дел од делегатите присутни на Конгресот.
Гордан Георгиев, Митре Вељановски и Есад Рахиќ, како и уште двајца делегати од општинските организации побараа оставка од раководството. Есад Рахиќ најави дека тој самиот ќе си поднесе оставка од Централниот одбор на СДСМ по завршувањето на Конгресот.
Досега 12 општински организации јавно го поддржаа Зоран Заев, а извори во партијата коментираат дека вакви одлуки се донесени во вкупно 18 општински организации.
Фото: МИА