Стојанчо Андонов (22), кој вчера настрада во сообраќајка кај Рампа во скопската населба Кисела Вода сè уште се бори за живот, велат за НОВА од Градската хирушка болница „Св. Наум Охридски“.
-Состојбата на момчето е непроменета, тој е на интензивна нега и во животно загрозувачка состојба, изјави за НОВА директорката на болницата Јасмина Чабуковска.
Мотоциклистот Андонов беше повреден вчера во 00:30 часот при судир со автомобил БМВ со кој управувал познатиот телохранител на екс премиерот Никола Груевски , Дејан Митревски – Урко. Во билтенот на МВР се вели дека Урко преминал на спротивната коловозна лента и во него удрил мотоциклистот.
Како што вчера објави 24 Вести, семејството на повреденото момче изјавило дека ноќта по сообраќајката Урко постојано бил со семејството на момчето во болница. Според семејството на повреденото момче, тој бил свесен дека му го пресекол патот на мотоциклистот.