Иефимерида.гр ја пренесува приказната на првиот спасен македонски граѓанин кој вчера се соочи со застрашувачката ситуација предизвикана од ветерот и морските струи кај Посиди. 

Станува збор за 25 годишниот Васил Брезовски. Тој раскажал дека кога влегле во водата, времето и временската ситуација општо, не навестувале дека за толку брзо време ќе се променат условите во морските води кои буквално од плиткото крајбрежје ги оттргнале и ги влечеле кон внатрешноста кон морската шир.

Се се случило за многу кусо време  раскажал Васил, кој изјавил дека буквално за неколку секунди  се променило се и од мирни води на крајбрежјето се нашле на сред разбранувано море.

Брезовски уште потсетил дека забележал сурфер во својата близина кој му рекол да остане смирен и за брзо ја известил приморската стража, која за кусо време дошла на точната локација која  што им ја посочил сурферот и го спасиле Васил.

Брезовски се сеќава дека за две секунди во водата буквално, ги изгубил од вид двајцата другари со кои влегол да пливаат во морето. 

(М.Т.)