За да ја постигнат целта користеле закани, физичка сила, а на 09.08.2021 запалиле и патничко возило
Четворица млади лица се приведени и за нив е одреден притвор по разбивањето на групата, соопшти МВР.
Од слобода се лишени П.М.(22), Д.П.(23), Ј.К.(21) и В.З.(24), сите од Неготино.
По претходно добиена судска наредба од Основен суд Кавадарци, по преземени мерки и активности бил извршен претрес во домовите на овие четири лица, поради постоење основано сомнение за сторени кривични дела „лихварство“, „изнуда“, „загрозување на сигурноста“ и „предизвикување на општа опасност“, при што биле пронајдени повеќе предмети од извршените кривични дела.
– Имено, пријавените давале пари на заем со писмени и усмени договори и притоа за себе договарале несразмерно високи камати, со цел противправно да се стекнат со материјална корист. За да ја постигнат целта користеле закани, физичка сила, а на 09.08.2021 запалиле и патничко возило, со што предизвикале пожар и општа опасност по околината, стои во соопштението.