Министерството за образование и наука објави Конкурс за акредитација на здруженија на наставници за организирање натпревари на учениците по одделни предмети во средното образование.
Право на учество имаат здруженијата на наставници кои се регистрирани најмалку три години до денот кога поднесуваат пријава за организирање на натпреварите и да обезбедат организирање натпревари на целата територија на државава и на сите наставни јазици.
За организирање на натпреварите се акредитира по едно здружение на наставници или сојуз на здруженија по одделен наставен предмет, односно област за период од три години сметано од датумот на издавање на Решението за акредитација.
Конкурсот трае 15 дена од неговото објавување. Во него се наведени условите за учество, документите потребни за пријавување и е достапно преземање на барањето за акредитација.
-Избраните здруженија на наставници, односно сојузи на здруженија со правилник за организирање на натпреварите ќе го уредат начинот на организацијата, како и натпреварите на учениците да ги организира преку наставници што изведуваат настава по одделен наставен предмет, сроден предмет или област, како и да обезбеди организирање натпревари на целата територија на Република Северна Македонија на сите наставни јазици, со исклучок на натпреварите по албански јазик и литература и турски јазик и литература, наведува МОН.