Повеќе од седум милиони граѓани на Москва ќе бира еден од шест кандидати за градоначалник на главниот град на Русија.
Изборите се оценуваат како тест за поддршката на актуелната власт во Русија, и тест за моќта на опозицијата.
Помеѓу кандидатите, Сергеј Собјањин, управува со градот од 2010 година кога на таа позиција го постави рускиот претседател Дмитри Медведев, член на Единствена Русија, но овој пат се кандидира како независен кандидат.
Кандидатот на опозицијата, Алексеј Навални, критичар на Кремељ, познат блогер, кандидат на РПР-ПАРНАС.
Комунистичката партија на Руската федерација за свој кандидат го постави Иван Мељников, додека крајно десната Либерално демократска партија на Русија, го постави Михаил Дегтјаров.
Партијата на социјал-демократската ориентација Праведна Русија, го кандидира Николај Левичев, додека кандидат на либерално-демократската партија Јаблоко е Сергеј Митрохин, кој воедно е еден од трите претседатели на партијата.
Русите ќе гласаат на 3 411 бирачки места. Како обид за борба против гласачкото крадење, сите гласачки места ќе бидат покриени со камера, а процесот ќе може да се следи на интернет.