Руското Министерство за надворешни работи денеска објави дека имињата на двајцата Руси обвинети од британскиот обвинител за обидот за убиство на поранешниот двоен руски шпион Сергеј Скрипал и неговата ќерка Јулија не значат ништо за Москва, објави „Ројтерс“ повикувајќи се на агенцијата „РИА Новости“.
Британските власти претходно денеска објавија дека постојат доволно докази дека Александар Петров и Руслан Боширов се виновни за труењето на Скипал. Според битанското обвинителство, поради постоењето на цврсти докази, може да биде покренато обвинение против двајцата Руси, тие во отсуство се обвинети за заговор за убиството, за обид за убиство и за употреба на нервниот гас новичок.