Првиот човек на МОСТ Дарко Алексовски, на прес-конференција информираше за нерегуларности на четири избирачки места : Струмица, Крива Паланка, Кратово и Штип.
Во општина Струмица, на гласачко место 1720 имало вишок од 33 гласачки ливчиња, по што било прекинато гласањето и по евиденцијата, повторно продолжило.
Во Крива Паланка во гласачко место 0957 е отворено со задоцнување од еден час поради снег.
Во Кратово гласачкото место 0925 е отворено во 7 часот и 30 минути поради читање на имињата на гласачите.
На гласачко место 2295 во општина Штип, гласањето започнало на време, но било прекинато во 7:15 часот поради тоа што пред објектот каде што се наоѓало избирачкото место имало билборд на политичка партија. Пропагандниот материјал бил отстранет, по што гласањето продолжило.
“Мост“ ги мониторира денешните локални избори со 3.200 набљудувачи, со што статично се покриваат 50% од вкупно 2.976 гласачки места, додека мобилни тимови ги покриваат останатите гласачки места.