Подобрено функцинирање на институциите во однос на организирањето, но и спречувањето злоупотреби во изборната кампања, но и загрежиност и осуди поради серијата инциденти како палење и демолирање партиски штабови, се вели во периодичниот извештај на невладината организација со задача да го набљудува изборниот процес „Мост“.
Сведоци бевме и на демолирање на 10 изборни штабови на четирите најголеми политички партии во 8 општини и уништување на пропаганден материјал во 6 општини. Во текот на кампањата се случи инцидент во кој градоначалник и кандидат на изборите беше повреден во физичка пресметка помеѓу две групи. Покрај ова, во периодот што измина се случи и престрелка во која беше повреден носител на независна кандидатска листа, кој подоцна им подлегна на повредите. Според изјавата на министерот за внатрешни работи, престрелката не била поврзана со изборите. Граѓанската асоцијација МОСТ најостро осудува насилство од било каков вид и апелира учесниците во изборите да се воздржат од злоупотреба на вакви и слични настани за изборни цели. Тие апелираат до надлежните институции темелно да ги истражат овие настани.
МОСТ нотира и, според нив, поситни злоупотреби на државните ресурси во кампања.
Забележани се неколку изолирани случаи на злоупотреба на јавни ресурси, најчесто од градоначалници кои се кандидати на изборите, се вели во соопштениието
Од мост забележуваат дека партии вршеле и притисок за присуства на партиски настани во текот на работното време од страна на две општини од страна на градоначалници на ВМРО-ДПМНЕ, како и еден случај на уценување за гласање за независен кандидат.
МОСТ со критики до власта и поради, според нив, недозволените измени на изборниот законик среде изборен процес.
Изборниот законик беше изменет во текот на изборниот процес заради промена на одредбите поврзани со составот на ДИК, со цел во него да биде вклучен претставник од втората најголема политичка партија од парламентарната опозиција. Измената предвидува усогласување на составот на Државната изборна комисија од страна на Собранието во текот на изборниот процес, со што не го решава целосно ова прашање. Поради тоа, потребно е дополнително прецизирање на овие одредби. Измената на Изборниот законик во текот на изборниот процес е нешто што не смее да се случува.