На осветуивањето на Соборниот храм Воскресение Христово во Тирана беа присутни сите помесни православни цркви од регионот но и поширок, но не и МПЦ
Владиката Тимотеј од Струга потврди дека МПЦ воопшто не добила покана да присуствува на осветувањето на Соборниот храм „Воскресение Христово“ во Тирана во неделата. На свеченоста во Тирана беа присутни сите помесни православни цркви од регионот но и поширок како што беа романскиот патријарх Даниел, поглаварот на грчката православна црква Јероним, српскиот патријарх Иринеј, ерусалимскиот патријарх Теофил Трети, митрополитот црногорско-приморски Амфилохие и епископот рашко-призренски Теодосие и делегација на Руската православна црква, кипарскиот поглавар Kритостом.
“Ние таму не бевме поканети официјално и ако не сте канети не е пожелно ниту да одите. Знаете во каква состојба се наоаѓа во нерегуларен однос со останатите помесни православни цркви и според тоа немаме право да се лутиме ниту на домаќините ниту на другите што не не поканиле.Но Албанската православна црква има коректни односи со нас и ние пред еден месец бевме на средба со нивниот архиепископ и не прими на многу достоинствен начин. Дали не добивањето покана е под влијание на МПЦ? Не би можел да го коментирам тоа. Право на домаќинот е кого ќе кани, речеТимотеј.
Од Македонското друштво, Илинден во Тирана велат дека се разочарани од односот на Албанската православна црква.
“Ние како македонци во Албанија сме разочарани бидејки требаше да има и претставници на МПЦ.Тоа придонесува за верскиот дијалог на Балканот и меѓу нас како соседи.Требаше да има покана до МПЦ бидејки и Македонците во Албанија се дел од Албанската православна црква.Ние мислиме дека МПЦ и Албанската црква треба да го зголемат контактот меѓу себе и да придонесат за подбрување на меѓуверскиот дојалог, рече за НОВА, Никола Ѓурѓај претседател на Македонското друштво Илинден од Тирана.
