По еуфоријата во вторникот за убедливата победа (7:2) над Тотенхем во Лондон во Лигата на шампиони, фудбалерите на Баерн Минхен приредија разочарување за своите навивачи по денешниот настап во Бундеслигата. Хофенхајм ги спушти на земја Баварците и ја замолкна „Алијанц арена“ по триумфот со 2:1 во седмото коло од германското првенство. Двата гола за прва победа во сезоната на тимот од Синшајм беа дело на Ерменецот Саргис Адамјан во 54. и во 79. минута, во меѓувреме погоди и Роберт Левандовски (73. минута) што подоцна се покажа како единствен за составот на Нико Ковач.
https://www.youtube.com/watch?v=O0FAiwbYiQI
Бламажата на Баерн М. не успеа да ја искористи екипата на Борусија Дортмуд која одигра 2:2 против Фрајбург. Аксел Витсел во 20. минута и Мароканецот Хакими во 67. минута ги постигнаа голови за „милионерите“ кои, сепак имаа уште еден стрелец во мечот. Мануел Ајанџи во 90. минута ја затресе сопствената мрежа за голем бод на домашните за кои првиот погодок го потпиша Џан-Лука Валшмит во 55. минута.
Бундеслига, 7 коло
Баерн Минхен – Хофенхајм 1:2
Фрајбург – Борусија Дормунд 2:2
Падерборн – Мајнц 1:2
Баер Леверкузен – Лајпциг 1:1
Херта – Фортуна Дизелдорф 3:1
Шалке – Келн (во тек)
Недела
Борусија Менхенгладбах – Аугсбург
Волфсбург – Унион Берлин
Ајнтрахт Франкфурт – Вердер