Една недела по прашањето на Македонската телевизија – дали Агенцијата за аудио и аудиовизуелни и медиумски услуги, почитувајќи го јавниот интерес може да ни ги достави на увид документите за реемитување на програмата на Арена М Премиум – молк од регулаторно тело, констатира МРТ.
Одржа и јавна и редовна седница, но статусот на специјализираните спортски канали не се најде на дневен ред. Остануваат отворени дилемите за пријавата и одобрувањето за нивното вклучување во пакетите на програмските сервиси на операторите и за нивната сопственост, поради тоа што Арена Ченлс Груп формира фирми, а овдешните ги нема ниту во официјално објавениот Регистар на српското регулаторно тело, за каде што ААВМУ посочи дека се регистрирани, ниту во базата на податоци на Европската медиумска опсерваторија.
Според домашните закони и според Европската конвенција за прекугранична телевизија, каналот не може легално да биде реемитуван ако неговиот точен назив легално не постои во регистарот на телевизиски сервиси во земјата од која наводно се емитува. Исто така, Европската конвенција за прекугранична телевизија бара јурисдикција врз каналите што се емитуваат или реемитуваат во другите земји.
Во член 3 од Конвенцијата во кој се утврдува полето на примена се дефинира:
Конвенцијата потврдува програмски услуги емитувани или реемитувани од субјекти во рамките на јурисдикцијата на една од страните.
Во членот 5, став 1, со кој се утврдуваат обврските на страните емитувачи се дефинира:
Секоја страна-емитер мора да обезбеди сите програмски услуги емитувани од радиодифузер во рамките на нејзината јурисдикција да се во согласност со условите на Конвенцијата.
Со тоа, Европската конвенција експлицитно бара она што се реемитува да е вистинска, потврдена и законски регистрирана услуга што потекнува од друга држава.
Врз основа на ова се поставува прашањето – какви административни мерки ќе преземе Агенцијата за медиуми за да ја потврди легитимноста на овие канали?
Ако домашните оператори регистрирале канали под името Арена Премиум 1,2 и 3 коишто постојат во Србија, но физички емитуваат други канали, означени како Арена М Премиум 1,2 и 3, кои пак, не постојат во српскиот регистар?
Дали за Агенцијата претставува домашна радиодифузна дејност, што работи без македонска телевизиска лиценца, ако локалната продукција, локалниот коментар и организациската работа за овие канали ги вршат локални посреднички фирми?
Јавноста очекува одговор, дали Агенцијата за аудио и аудиовизуелни медиумски услуги смета дека се прекршува регистрацијата на пакетот на операторот.