Синот на Сабедин Неби добил 1400 денари награда на промоција за креми за млади. Државата поради тоа му ја одземала социјалната помош и од него бара да ја врати истата за цела измината година или 1700 евра.
Маките на семејството на Сабедин Неби почнуваат кога неговиот син средношколец минатата година добил 1400 денари награда од фирма за козметика за промоција на креми за млади. Синот, бидејќи бил малолетен,ја дал сметката на татко си да му ги префрлат парите.
Тогаш државата му ја укинала социјалната помош од 2500 денари која ја добивало неговото петчлено семејство поради, како што му рекле, остварување на приходи и од него бараат да врати 1700 евра, односно помошта за цела измината година. Сабедин Неви води спор со помош на Хелсиншкиот комитет. Но, неговите маки не завршуваат тука.
Тој напролет може да ја изгуби и скромната куќа во Долно Лисиче затоа што фондот за здравство одбил да му рефундира позајмените пари за операција на сопругата болна од рак. Таа морала итно да се оперира, но поради штрајкот на лекарите, вработени во министерството за здравсто го упатиле на приватна клиника.
Според Сабедин, тие му гарантирале рефундирање, а неговото семјејство за возврат требало да излезе пред камерите на некои медиуми и да зборува против штрајкот на лекарите. Потресната сторија на петчленото семејство Неби погледнете ја во видеото.