Пишува Наде Молеровиќ, мотивациски говорник
„Додека се трудиме да ги учиме нашите деца каков е животот, тие се обидуваат да не научат што е животот”
Има луѓе кои поседуваат знаења кои ги стекнале со текот на образованието, со читањето книги, со патувањата и со најразлични животни искушенија и искуства, но, така мудрост не се стекнува. Мудроста по дефиниција е способност на расудување и соочување со други луѓе и ситуации на исправен начин, со разбирање и емпатија.На децата им епотребна помош при растењето, а на родителите искуствени совети како да им се помогне.
Денес се живее под стрес од недостаток на време и преголеми обврски.
Ретко прашуваме едни за други, всушност и не прашуваме, а, ретко слушаме.
Не забележуваме како полека се одалечуваме едни од други, дури и од најблиските, а нашите деца растат покрај нас со технолошките играчки кои им се замена за се реално и вистинско.Ние се помалку ги познаваме, за жал. Можеме тоа и да го промениме, ако сакаме, да почнеме од себе , да го вреднуваме мигот да бидеме тука и сега за нив. Наша е одговорноста за нашите деца, единствено ние имаме влијание да промениме нешто и да бидеме тука секогаш за нив, тогаш кога највеќе им требаме тие треба да знаат дека сме тука. Да се обидеме да бидеме подобри родители од нашите родители не дека не сакале, туку толку знаеле и умееле.Тие го направиле најдоброто за нас и да им простиме за грешките и пропустите. Тоа е првиот чекор до промената, да простиме и да истражуваме како ние да бидеме подобри.. Децата денес не се исти како оние вчера и години наназад. Денешниве побрзо мислат, пољубопитни се, поотворени, бараат друг вид внимание и не се воодушевуваат на авторитети, бараат почит и доверба. Тоа се нашите деца од новото време.Но, и родителите веќе не се исти како оние од вчера или години наназад. Денешниве родители се позагрижени, под поголем секојдневен стрес, поуплашени се, со помалу слободно време, а со поголеми обврски. За да се одгледа и воспита среќно, исполнето и успешно дете потребно е едукација за поседување и развој на емоционална интелигенција .Полека но сигурно ни станува јасно дека во животот среќни и успешни луѓе се оние кои станале свесни за себе, за животот како вредност и потребата од постојани промени. Прифатете ја вашата одговорност за можноста најголемиот подарок за нив е вашето време.Време во кое фокусирано ќе му се посветите на детето следејќи ги неговите интереси со креативни активности.Ниската самодоверба на децата е вина на родителите кои имаат одговорност кон своите деца. Не го обвинувајте медиумот, општеството, интернетот, училиштето, не смеете. Имајте фокус на сопственото дете препознајте ги неговите емоции, ако е тажно прашајте го што се случило, слушајте го внимателно, поставете прашања кои не обвинуваат и осудуваат. Учете ги дека сите луѓе се различни, дека не се сите искрени и тоа да не ги разочарува. Дека секогаш ќе им бидете ментор, не заборавајте вашето дете нема да ве слуша што зборувате тоа ќе ве гледа што правите. Должни сте како родители да ги следите неговите соништа, да му верувате кога ќе ви каже што сака да биде и да му бидете секогаш ветар во грбот. Сакам да ја споделам со вас животната приказна на Цезар Милано мексиканец кој живеел во сиромашно семејство во кое најголемиот учител му бил неговиот дедо. Играјќи си надвор забележал како сите соседски кучиња доаѓале и си играле со него, тој ги дресирал шепкајќи им зборови за кои верувал дека е јазикот на кој тие го разбираат. Еден ден тој на своите родители им кажал дека сака да биде најпознат дресер на кучиња во светот затоа што тие го разбираат. Вие сте му примерот за добра комуникација, однесување и успешност. Учете ги дека поради еден непријател не треба да ја пропуштат и видат убавината и љубовта во едно пријателство.Учете ги да умеат да се справат со неуспесите и да се гордеат на успесите.Учете ги за тајната на насмевката и љубезноста. Учете ги да читаат и уживаат во задоволството од стекнатите знаења.Учете ги да умеат да ја видат убавината во птиците, изгрејсонцето и сопствените соништа. Учете ги да ги слушаат другите кога зборуваат и да ја препознаат вистината. Учете ги да бидат трпеливи и храбри.Да ги препознаат емоциите на другиот. Учете ги да сакаат.Учете ги да се извинат кога сметаат дека навредиле некого. Учете ги дека секој ден е нов ден за нови знаења…….Учете ги да си веруваат себе си зошто само така ќе имаат верба во другите луѓе.